تجربة أولى للشعر النبطي..

اخلق لك اعذاري واسامحك ياصاح

ولا اتخيل كل ماكان ما ازهر

من حب له اثنين ياصاحبي ناح

قلبك على اثنين ياكيف يصبر

الحب ماهو لعب كورة و ارباح

الحب بين اثنين يبرق ويمطر

ويومٍ تسوق العذر للناس صياح 

أحب لي شيين و مقدر أبرر 

 تبيني اغفر لك واسامحك و ارتاح

وارجع بغيمي مثل الأول و تمطر

خلك كريم النفس للناس مناح

لا تقتل بهذا لجل ذاك يغفر

خليتني ما بين اسيوف و رماح

وبيضٍ نوايانا و معاك اتكدر

خليتنا حبات قمحٍ يا قماح

 تطحن يدينك بالرحا و نتكور

ماني شغوفٍ للعذر منك ياصاح

ماعاد لك بالنفس مسرح و منبر

مثلت لي واحسنت  كذبك يالماح

وجمهرت حولي كل خشمٍ تكبر

ماني لهذا و ذاك و لذيك نباح

ولاني بدوري للخباثة اتصدر

بودعك بلسان صاحب و نصاح

خلك مع قلبك ترى الدنيا معبر